1 րոպեի ընթերցում
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Սիրուշոն հրապարակել է «Առաջին անգամ» (First Time) երգը, որի հոլովակն արդեն համացանցում է:
«Արմենպրես»-ի հաղորդմամբ` երգի բառերի և երաժշտության հեղինակը Սիրուշոն է: Դուդուկ է նվագում Նորայր Գափոյանը, գործիքավորումն իրականացրել է Մուշեղ Մաիլյանը:
«Ֆեյսբուքի» իր պաշտոնական էջում երգչուհին գրել է, որ երգը շատ անձնական է, սակայն ցանկանում է այն կիսել նրանց հետ, ովքեր գիտեն ինչպես սիրել:
Սիրուշոն իր երաժշտական կարիերայի ընթացքում հաճախ հանդես է գալիս սոուլ և փոփ ժանրերում: Պարբերաբար ներկայացնում է նաև գուսանական, ռազմահայրենասիրական ստեղծագործություններ: Երգչուհին ունի անգլերեն մի շարք երգեր, որոնք սիրվել ու լայն տարածում են գտել ոչ միայն Հայաստանում, այլև արտերկրում: