Պաշտոնական Թեհրանը հայտնել է Կարմիր ծովում իրանական նավի վրա հարձակման մասին

ԵՐԵՎԱՆ, 7 ԱՊՐԻԼԻ, ԱՐՄԵՆՊՐԵՍ: Իրանի արտաքին գործերի նախարարությունը հայտնել է, որ իրանական Saviz նավը հարձակման է ենթարկվել Կարմիր ծովում: Ինչպես հաղորդում է «Արմենպրես»-ը, այս մասին հայտնում է Reuters-ը:

Նախարարության խոսնակ Սաեդ Խաթիբզադեն հայտնել է, որ դեպքը տեղի է ունեցել Ջիբութիի ափերին մոտ, նավը աննշան վնաս է կրել տուժած անձինք չկան: Նա տեղեկացրել է նաև, որ իրենք հետաքննում են միջադեպը: