Սաուդյան Արաբիան մտադիր է 20 մլրդ դոլար ներդնել  ներքին ռազմական արդյունաբերության մեջ

ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Սաուդյան Արաբիան մտադիր է առաջիկա տասնամյակի ընթացքում 20 մլրդ ԱՄՆ դոլար ներդնել ներքին ռազմական արդյունաբերության մեջ: Ինչպես փոխանցում է«Արմենպրես»-ը՝ վկայակոչելով Reuters-ը, այս մասին հայտնել է երկրի Ռազմական արդյունաբերության գլխավոր մարմնի ղեկավար Ահմեդ բին Աբդուլազիզ ալ-Օհալին:

Սաուդյան Արաբիան ցանկանում է երկրի ներսում զարգացնել և արտադրել ավելի մեծ թվով զենք և ռազմական համակարգեր՝ ձգտելով մինչև 2030 թվականը ծախսել ռազմական բյուջեի 50 տոկոսը երկրի ներսում:

Ահմեդ բին Աբդուլազիզ ալ-Օհալին նաև տեղեկացրել է, որ Սաուդյան Արաբիան նախատեսում է ավելացնել ռազմական հետազոտությունների և զարգացման ծախսերը: