Փաստաբանը հայտնում է Արա Սաղաթելյանին բերման ենթարկելու մասին
1 րոպեի ընթերցում
![Փաստաբանը հայտնում է Արա Սաղաթելյանին բերման ենթարկելու մասին](http://armenpress.am/resized/480/static/news/b/2021/02/1043992.jpg)
ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Փաստաբան Հակոբ Ենոքյանը հայտնում է ՀՀ Ազգային ժողովի աշխատակազմի նախկին ղեկավար Արա Սաղաթելյանին բերման ենթարկելու մասին: Ինչպես տեղեկացնում է «Արմենպրես»-ը, Ենոքյանն այս մասին գրել է «Ֆեյսբուք»-ի իր էջում:
«ՀՀ ԱԱԾ աշխատակիցներն ավարտեցին վստահորդիս՝ ՀՀ Ազգային ժողովի աշխատակազմի նախկին ղեկավար Արա Սաղաթելյանի աշխատասենյակի և հարակից երկու այլ աշխատասենյակների խուզարկությունը: Չնայած որ խուզարկվել է երեք աշխատասենյակ, որպես հիմք ներկայացվել է ոչ թե դատարանի, այլ`քննիչի կողմից կայացված որոշում, այսինքն` ՀՀ քրեական դատավարության օրենսգրքի 6-րդ հոդվածի 46-րդ կետի համաձայն` բնակարանին հավասարեցված անձնական աշխատասենյակը խուզարկվել առանց դատարանի որոշման, ինչը ՀՀ Սահմանադրության և ՀՀ քրեական դատավարության օրենսգրքի կոպիտ խախտում է: Այս «խուզարկության» ավարտից հետո վստահորդս՝ Արա Սաղաթելյանը, բերման է ենթարկվել Ազգային անվտանգության ծառայություն»,- գրել է Ենոքյանը: