Դեսպան Մկրտչյանը Եվրոպայի խորհրդարանի անդամներին ներկայացրել է պատերազմից հետո Արցախում տիրող իրավիճակը
1 րոպեի ընթերցում
ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ։Լիտվայում ՀՀ դեսպան Տիգրան Մկրտչյանը փետրվարի 17֊ին տեսահանդիպում է ունեցել Եվրոպայի խորհրդարանի անդամ, Եվրանեսթի խորհրդարանական վեհաժողովի փոխնախագահ, Լիտվայի նախկին վարչապետ և պաշտպանության նախարար Անդրիուս Կուբիլիուսի և Լիտվայի պաշտպանության նախկին նախարար, Եվրոպայի խորհրդարանի անդամ Ռասա Յուկնյավիչիենեի հետ։«Արմենպրես»-ին այս մասին հայտնեցինԼիտվայում ՀՀ դեսպանությունից։
Հանդիպման սկզբում դեսպան Մկրտչյանը զրուցակիցներին ներկայացրել է Արցախյան երրորդ պատերազմից հետո ՀՀ֊ում և Արցախումստեղծված իրավիճակն ու վերջին շրջանի զարգացումները։ Հատուկ շեշտվել է գերիների խնդրի լուծման հրատապությունը՝ որպես հումանիտար ճգնաժամը հաղթահարելուն ուղղված կարևորագույն հարց:
Քննարկվել են նաև Հայաստան-ԵՄ հարաբերությունների հեռանկարները, Արևելյան գործընկերության համատեքստում համագործակցության խորացման հնարավորությունները։
Լիտվացի պատգամավորները ողջունել են առաջիկա օրերին ՀՀ-ԵՄ Համապարփակ և ընդլայնված գործընկերության համաձայնագրի ուժի մեջ մտնելը: