Բրյուսելի մետրոյում տղամարդը դանակով հարձակվել է ուղևորների վրա
1 րոպեի ընթերցում
![Բրյուսելի մետրոյում տղամարդը դանակով հարձակվել է ուղևորների վրա](http://armenpress.am/resized/480/static/news/b/2021/02/1042073.jpg)
ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Բրյուսելի մետրոպոլիտենի «Արևմտյան կայարան» հատվածում տղամարդը դանակով հարձակվել է ուղևորների վրա:
«Արմենպրես»-ի հաղորդմամբ, հայտնում է RTBF հեռուստաընկերությունը՝ հղում կատարելով ոստիկանությանը: Դեպքը տեղի է ունեցել տեղի ժամանակով 15:00-ին: Նախնական տվյալներով կան տուժածներ:
RTL Info-ն հայտնում է, որ ոստիկանությունը ձերբակալել է ուղևորների վրա հարձակված տղամարդուն: Մետրոյում երկու թևերի ուղղությամբ երթևեկությունը կանգնեցվել է: