1 րոպեի ընթերցում
ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: Հայոց բանակի կազմավորման տոնի կապակցությամբ երգիչ Սևակ Ամրոյանը ներկայացրել է «Հրամանատար» երգը, որի հոլովակն արդեն համացանցում է:
«Արմենպրես»-ի հաղորդմամբ՝ երգը նվիրված է փոխգնդապետ Աշոտ Չոբանյանին: Երաժշտության և խոսքերի հեղինակն է Էդմոնդ Մակարյանը, գործիքավորումն ու հնչյունային ռեժիսորը` ԴերՀովան, հոլովակի ռեժիսորն Արթուր Մանուկյանն է, օպերատորը` Արտյոմ Աբովյանը, նախագծի պրոդյուսերությունն իրականացրել է Ալեքսանդր Մհերյանը:
Սևակ Ամրոյանը «Ժողովրդական երգիչ» նախագծի առաջին եթերաշրջանի հաղթողն է: Սովորել է Երևանի Ջիվանու անվան աշուղական դպրոցում, իսկ հետագայում՝ Երևանի Կոմիտասի անվան պետական կոնսերվատորիայի ժողովրդական երգեցողության բաժնում:
2013-2015 թվականներին՝ նույն բաժնի մագիստրատուրայում։ 2014-ին Մհերի հետ թողարկել է Արա Գևորգյանի «Ադանա» երգը և տեսահոլովակը՝ նվիրված Հայոց ցեղասպանության զոհերի հիշատակին: Համերգային շրջագայություններով եղել է Ռուսաստանում, ԱՄՆ-ում, Անգլիայում, Կիպրոսում, Արաբական Միացյալ Էմիրություններում և մի շարք այլ երկրներում: