1 րոպեի ընթերցում
ԵՐԵՎԱՆ,20 ՀՈՒՆՎԱՐԻ, ԱՐՄԵՆՊՐԵՍ: Արտաշատի բժշկական կենտրոնը վերադարձել է իր բնականոն աշխատանքին՝ ետևում թողնելով COVID-19 համավարակի դեմ ամիսներ շարունակ կատարած ծանր, ծավալուն ու պատասխանատու աշխատանքը:
Ինչպես տեղեկացնում է «Արմենպրես»-ը, այս մասին հաղորդագրություն է տարածել Արտաշատի ԲԿ-ի «Ֆեյսբուքի» էջը:
«Այսօր արդեն մեր ԲԿ-ն ավարտել է իր աշխատանքը, և մենք շնորհակալություն ենք հայտնում բոլոր նրանց, ովքեր այդ դժվարին ժամանակներում ստանձնել էին համավարակի դեմ պայքարելու գործը՝ մշտապես հավատարիմ մնալով բուժաշխատողի վեհ առաքելությանը: Զգացված ենք բոլոր բուժված հիվանդների ջերմ ու սրտագին խոսքերից և բարեմաղթանքներից:
Միաժամանակ ուրախ ենք հայտնելու, որ կենտրոնն այսուհետ ևս շարունակելու է սիրով ու պատվով կատարել մարդկանց առողջություն պարգևելու դժվարին, բայց շնորհակալ աշխատանքը: Մեր բարձրակարգ մասնագետները ձեր կողքին են: Մենք ուրախ ենք լավագույնս հոգալու ձեր առողջության մասին»,- նշված է հաղորդագրության մեջ: