Բրիտանիան, Գերմանիան և Ֆրանսիան Իրանին կոչ են արել հրաժարվել մետաղական ուրան արտադրելուց
1 րոպեի ընթերցում
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Մեծ Բրիտանիան, Գերմանիան և Ֆրանսիան Իրանին կոչ են արել դադարեցնել մետաղական ուրան արտադրելուն միտված գիտահետազոտական աշխատանքները:
«Արմենպրես»-ի փոխանցմամբ՝ այս մասին հայտնում է ՏԱՍՍ-ը, հղում անելով երեք երկրների համատեղ հայտարարությանը:
«Մենք՝ Ֆրանսիայի, Գերմանիայի և Միացյալ Թագավորության կառավարություններս, խորապես մտահոգված ենք Իրանի հայտարարություններով առ այն, որ այդ երկիրը պատրաստվում է մետաղական ուրան արտադրել: Մենք Իրանին կոչ ենք անում դադարեցնել այդ գործունեությունը և անհապաղ վերադառնալ ձեռք բերված պարտավորությունների կատարմանը»,- ասված է հայտարարությունում: