ԲԴԽ-ն ընթացիկ տարում ակտիվ համագործակցել է ՀՀ-ում ներկայացված բոլոր միջազգային կառույցների հետ
1 րոպեի ընթերցում
ԵՐԵՎԱՆ, 29 ԴԵԿՏԵՄԲԵՐԻ, ԱՐՄԵՆՊՐԵՍ: Բարձրագույն դատական խորհուրդը 2020 թվականին ակտիվ համագործակցել է ՀՀ-ում ներկայացված բոլոր միջազգային կառույցների հետ:
«Արմենպրես»-ի հաղորդմամբ` այս մասին տարեվերջյան մամուլի ասուլիսի ժամանակ ասաց ԲԴԽ նախագահ Ռուբեն Վարդազարյանը:
«Չկա այնպիսի միջազգային կառույց, որը ներկայացված լինի ՀՀ-ում, և մենք համագործակցած չլինենք: Առավել արդյունավետ աշխատանքներ են եղել USAID-ի հայաստանյան գրասենյակի, Եվրոպայի խորհրդի երևանյան գրասենյակի և Միջազգային իրավական համագործակցության գերմանական հիմնադրամի (IRZ) հետ»,- նշեց Վարդազարյանը և հավելեց, որ բավականին արդյունավետ աշխատանքներ են իրականացվել նաև այլ կառույցների հետ: