1 րոպեի ընթերցում
ԵՐԵՎԱՆ, 4 ԴԵԿՏԵՄԲԵՐԻ, ԱՐՄԵՆՊՐԵՍ: Միջին քաշային կարգում հայ պրոֆեսիոնալ բռնցքամարտիկ Գոռ Երիցյանը 14-րդ անընդմեջ հաղթանակը տարավ պրոֆեսիոնալ ռինգում:
«Արմենպրես»-ի հաղորդմամբ` այս մասին հայտնում է բռնցքամարտիկի պրոմոթերական կազմակերպությունը: Լոս Անջելեսում կայացած բռնցքամարտի շոուի ընթացքում՝ Punch Boxing Promotion-ի կազմակերպած մենամարտում Երիցյանը ժամանակից շուտ վճռեց մենամարտի ելքը՝ 6-րդ ռաունդում նոկաուտի ենթարկելով 31-ամյա մեքսիկացի Մահորնի Մոնտեսին:
Երիցյանը շարունակում է անպարտելիության շարքը:
