Իսպանիան խոշոր հաշվով հաղթեց Գերմանիային

ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: Ֆուտբոլի Ազգերի լիգայում կայացան որակավորման վերջին տուրի հանդիպումները:

«Արմենպրես»-ի հաղորդմամբ` տուրի կենտրոնական հանդիպումներից մեկում` A խմբի 4-րդ ենթախմբում միմյանց դեմ մրցեցին աշխարհին երկու նախկին չեմպիոնները` Իսպանիան և Գերմանիան: Գերմանական «մեքենան» այս անգամ չաշխատեց և «կարմիր ֆուրիան» հաղթանակ տոնեց 6:0 հաշվով: Իսպանիայի հավաքականի կազմում աչքի ընկան Ալվարո Մորատան, Ֆերան Տորեսը (հեթ-տրիկ), Ռոդրին, Միկել Օյարզաբալը: