1 րոպեի ընթերցում
ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Շիրակի մարզային ճգնաժամային կառավարման կենտրոնը հոկտեմբերի 15-ին, ժամը 14։21-ին ահազանգ է ստացել, որ Պեմզաշեն գյուղում այրվում է կուտակած անասնակեր:
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի երկու մարտական հաշվարկ։
Պարզվել է, որ հրդեհը բռնկվել է 2-րդ փողոցի 3-րդ փակուղու թիվ 5 հասցեում գտնվող երկաթյա տնակում (27 քմ)։
Հրդեհը մեկուսացվել է ժամը 15:28-ին, մարվել՝ 18:22-ին: Այրվել են տնակի ներսի երեսպատումը, փայտյա կառուցատարրերը, ներսում կուտակած վառելափայտը (մոտ 1 խմ), գոմաղբը (մոտ 1 խմ) և անասնակերը (մոտ 100 հակ):