Ռումինիան հայկական, ադրբեջանական կողմերին կոչ է անում վերսկսել քաղաքական երկխոսությունը

ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Ռումինիայի արտաքին գործերի նախարար Բոգդան Աուրեսկոն անդրադարձել է Ադրբեջանի կողմից Արցախի ուղղությամբ սանձազերծված գործողություններին: «Արմենպրես»-ի հաղորդմամբ՝ Աուրեսկոն այս մասին գրառում է կատարել «Թվիթեր»-ի իր միկրոբլոգում:

«Անհանգստացնող զարգացումներ՝ Հայաստանի և Ադրբեջանի շփման գծում: Ռումինիան կոչ է անում երկու կողմերին դեէսկալացնել և վերսկսել քաղաքական երկխոսությունը՝ բացառապես խաղաղ ճանապարհով լուծումներ գտնելու համար՝ միջազգային իրավունքին համապասխան»,- նշել է արտգործնախարարը:

Disturbing developments between #Armenia and #Azerbajian on the line of contact. #Romania calls on both sides to deescalate and resume the political dialogue in order to find solutions exclusively through peaceful means, in accordance with international law

— Bogdan Aurescu (@BogdanAurescu) September 27, 2020

Արցախի հետ շփման գծի ողջ երկայնքով սեպտեմբերի 27-ի վաղ առավոտյան Ադրբեջանն ակտիվ հրետակոծություն է սկսել: Հրետակոծվում են նաև խաղաղ բնակավայրերը, այդ թվում մայրաքաղաք Ստեփանակերտը: Ադրբեջանական զինուժը կորցրել է 2 ուղղաթիռ, 14 ԱԹՍ, ունի զրահատեխնիկայի կորուստներ: Ադրբեջանի հարձակման հետևանքով Մարտունու շրջանում մեկ կին և մեկ երեխա են զոհվել: Քաղաքացիական անձանց շրջանում կան տասնյակ վիրավորներ տարբեր աստիճանի մարմնական վնասվածքներով։ Արցախա-ադրբեջանական սահմանին մարտական գոծողությունների ընթացքում հայկական կողմից տասը զինծառայող է զոհվել:

Աննա Գրիգորյան