Հայաստանում ավարտվում է ՌԴ զինծառայողների համար մշակութային կենտրոնի շենքի շինարարությունը
1 րոպեի ընթերցում
ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանում տեղակայված Հարավային ռազմական օկրուգի ռուսական ռազմաբազայում ավարտվում է զինծառայողների և նրանց ընտանիքների անդամների համար մշակութային և ժամանցի կենտրոնի կառուցումը:
Ինչպես «Արմենպրես»-ին տեղեկացրին ՌԴ ԶՈՒ Հարավային ռազմական օկրուգի մամուլի ծառայությունից, մշակութային և ժամանցի կենտրոնում զինծառայողները և նրանց ընտանիքները կկարողանան ոչ միայն հանգստանալ, այլ նաև ստանալ կենցաղային և սոցիալական ծառայությունների լայն տեսականի:
«Մեծ բերդ» և «Պոլիգոն» ռազմական քաղաքների կենտրոնները հագեցած են կինոթատրոններով, վարսավիրանոցներով, գեղեցկության սրահներով, երեխաների համար նախատեսված խաղասենյակներով և տարբեր խանութներով:
Բացի այդ, կենտրոնի տարածքումշարունակվում է մարզական համալիրի, լողավազանի և այլ ենթակառուցվածքների շինարարությունը: Այն նախատեսվում է ավարտին հասցնել 2021 թվականին: