1 րոպեի ընթերցում
ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ։ Երաժշտական ռոք ժանրում ստեղծագործող «ԴԵՏՔ» խումբն իր երկրպագուների դատին է հանձնել «Լույսը» երգի տեսահոլովակը Համո Սահյանի համանուն բանաստեղծության մոտիվներով։
«Արմենպրես»-ի հաղորդմամբ՝ երգը տեղադրված է խմբի «Youtube»-ի պաշտոնական էջում։
Երաժշտության և գործիքավորման հեղինակը Արման Պետրոսյանն է։
«ԴԵՏՔ»-ը «Ֆեյսբուք»-ի իր պաշտոնական էջում տեղեկացրել է, որ այս տեսահոլովակով և երգով մեկնարկում են իրենց խմբի նոր՝ «Լույսը բացվելիս» ալբոմի ձայնագրությունները։
Նոր ալբոմն ամբողջությամբ հասանելի կլինի բոլոր երաժշտական հարթակներում ընթացիկ տարվա աշնանը։ Ալբոմի ձայնագրությանն աջակցում է ՀՀ կրթության, գիտության, մշակույթի և սպրոտի նախարարությունը։