Քոչարյանի գործով դատական նիստն ընմիջվեց․ դատարանը փորձում է անվտանգ պայմաններ ստեղծել
1 րոպեի ընթերցում
![Քոչարյանի գործով դատական նիստն ընմիջվեց․ դատարանը փորձում է անվտանգ պայմաններ ստեղծել](http://armenpress.am/resized/480/static/news/b/2020/06/1020099.jpg)
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ։ Երևանի ընդհանուր իրավասության դատարանը՝ նախագահությամբ դատավոր Աննա Դանիբեկյանի, ընդմիջեց ՀՀ երկրորդ նախագահ Ռոբերտ Քոչարյանի և մյուսների գործով դատական նիստը։
Ինչպես տեղեկացնում է «Արմենպրես»-ը, 2008-ին ՀՀ պաշտպանության նախարարի նախկին տեղակալ Յուրի Խաչատուրովի պաշտպան Միհրան Պողոսյանը չի զբաղեցրել իր տեղը՝ տեղեկացնելով, որ շփվել է Covid-19-ով վարակակիր անձի հետ և պատրաստվում է թեստավորվել։
Պաշտպանական կողմը կրկին խնդրեց ապահովել հակահամաճարակային անհրաժեշտ պայմանները՝ հատկապես նիստերի դահլիճում դատավարության մասնակիցների միջև սոցիալական հեռավորությունը պահպանելու տեսանկյունից։ Պարզվեց նաև, որ նիստերի դահլիճը վերջին անգամ ախտահանվել է կիրակի օրը։ Դրանից հետո դրա հնարավորությունը չի եղել։
Դատարանն ընդմիջում հայտարարեց` պարզելու համար, թե հնարավոր կլինի՞ շարունակել նիստը` կապված տեխնիկական հարցերի հետ: