Արցախում COVID-19-ից ապաքինվածների թիվը հասել է 65-ի

ՍՏԵՓԱՆԱԿԵՐՏ, 21 ՀՈՒՆԻՍԻ, ԱՐՄԵՆՊՐԵՍ: Արցախում հունիսի 21-ին կորոնավիրուսային հիվանդությունից ապաքինվել է ևս 2 քաղաքացի, ընդհանուր առմամբ բուժվածների թիվը հասել է 65-ի: «Արմենպրես»-ի հաղորդմամբ՝ այս մասին տեղեկացնում են ԱՀ առողջապահության նախարարությունից։

Արցախում ընդհանուր առմամբ հաստատվել է COVID-19-ի 97 դեպք, թեստավորվել է 1654 մարդ, կա 80 մեկուսացված անձ։ Վարակակիր անձանց առողջական վիճակը գնահատվում է բավարար: Երկրում մահվան դեպքեր չեն արձանագրվել։

Արցախի Հանրապետությունում 2020 թվականի ապրիլի 12-ին հայտարարված և մինչև հունիսի 11-ը երկարաձգված արտակարգ իրավիճակի ժամկետը երկարաձգվել է 30 օրով` 2020 թվականի հունիսի 11-ից, ժամը 22:00-ից մինչև 2020 թվականի հուլիսի 11-ը, ժամը 22:00-ը ներառյալ։

Լիլիթ Դեմուրյան