Ֆրանսիայում կանխատեսվում է տարեվերջին 900 հազար աշխատատեղի վերացում

ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Ֆրանսիայում «L'Unédic» կազմակերպությունը, որը պատասխանատու է գործազրկությունից ապահովագրելու գործընթացի կառավարման համար, կանխատեսում է 900 հազար աշխատատեղի վերացում 2020 թվականի վերջին:

«Արմենպրես»-ի հաղորդմամբ, «Ռեգնում» գործակալությունը տեղեկացնում է, որ կազմակերպության տվյալներով, փոխհատուցումկստանա 630 հազար աշխատանք փնտրող:

Կանխատեսումների համաձայն, 2020 թվականի ավարտին «L'Unédic» կազմակերպությունը կունենա 25,7 մլրդ եվրոյի դեֆիցիտ: 2020 թվականին գործազրկությամբ պայմանավորված` ապահովագրության ծախսերն ավելացել են 17,7 մլրդ եվրոյով և ընդհանուրըկազմում է 59 մլրդ եվրո: Այս ցուցանիշը 2019 թվականի համեմատ ավելացել է 43 տոկոսով:

Ֆրանսիայի վիճակագրության և տնտեսական հետազոտությունների ազգային ինստիտուտի տվյալներով առաջին կիսամյակում մասնավոր հատվածում փակվել է 497 հազար 400 աշխատատեղ: