1 րոպեի ընթերցում
ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: ՀՀ Ազգային ժողովը հունիսի 2-ին ժամը 18:30-ից մինչև 20:00-ը մեկ լրացուցիչ նիստ անցկացնելու որոշում ընդունեց: «Արմենպրես»-ի փոխանցմամբ՝ լրացուցիչ նիստ անցկացնելու առաջարկ հնչեցրեց խորհրդարանի նախագահ Արարատ Միրզոյանը:
«Այս քառօրյայի ընթացքում մենք չենք հասցնում քննարկել օրակարգի բոլոր հարցերը: Առաջարկում եմ այսօր ժամը 18:30-ից մինչև 20:00-ն անցկացնել ևս մեկ լրացուցիչ նիստ»,- ասաց Միրզոյանը:
Խորհրդարանը լրացուցիչ նիստ անցկացնելու որոշումն ընդունեց միաձայն՝ 74 «կողմ» ձայնով:
Նորայր Շողիկյան