1 րոպեի ընթերցում
ԳԱՎԱՌ, 15 ՄԱՅԻՍԻ, ԱՐՄԵՆՊՐԵՍ: Գեղարքունիքի մարզում 2020 թվականի մայիսի 15-ի դրությամբ կատարվել է 12 հազար 34 հեկտար գարնանացան:
Ինչպես «Արմենպրես»-ին տեղեկացրեց Գեղարքունիքի մարզպետարանի գյուղատնտեսության եւ բնապահպանության վարչության գյուղատնտեսության բաժնի պետ Մարտին Պետրոսյանը, 9 570 հեկտար կազմում են գարնանացան գարու, 1 500 հեկտար՝ կարտոֆիլի, 348 հեկտար՝ կերային մշակաբույսերի, 280 հեկտար՝ ցորենի, 48 հեկտար՝ հնդկացորենի ցանքերը:
«Մայիսի երկրորդ տասնօրյակից, արեւոտ ու տաք եղանակների շնորհիվ գարնանացանը մարզում աստիճանաբար թափ է առնում: Համատարած սկսվել է կարտոֆիլի եւ բանջարաբոստանային այլ մշակաբույսերի ցանքը, իսկ հացահատիկի ցանքն աստիճանաբար տեղափոխվում է դեպի բարձրադիր գոտիներ: Ամենայն հավանականությամբ, գարնանացանը կավարտվի մայիսի վերջերին»,-ներկայացրեց բաժնի պետը:
Խոսրով Խլղաթյան