Ոստիկանությունը ձեռնարկում է միջոցառումներ ՎՏԲ բանկ ներխուժած անձին հայտնաբերելու ուղղությամբ
1 րոպեի ընթերցում
ԵՐԵՎԱՆ, 11 ՄԱՅԻՍԻ, ԱՐՄԵՆՊՐԵՍ։ Ոստիկանությունը ձեռնարկում է միջոցառումներ մայիսի 11-ին ժամը 10։40-ի սահմաններում ՎՏԲ բանկի Նոր Նորքի 9-րդ զանգվածի մասնաճյուղ ներխուժած և սպառնալիքներ հնչեցրած քաղաքացուն հայտնաբերելու ուղղությամբ։ Այս մասին «Արմենպրես»-ի հետ զրույցում հայտնեց ՀՀ ոստիկանության ԶԼՄ-ների հետ կապի բաժնի պետ Էդգար Ջանոյանը։
«Ահազանգ է եղել, որ մի քաղաքացի մտել է բանկ, սպառնալիքներ է հնչեցրել, այնուհետև հեռացել։ Միջոցներ են ձեռնարկվում նրան հայտնաբերելու ուղղությամբ։ Դեպքի հանգամանքները պարզվում են, կատարվում է քննություն»,- ասաց Ջանոյանը։
Կարեն Խաչատրյան