Արցախի Մարդու իրավունքների պաշտպանի հաստատությունն ունի կայացման բարձր նշաձող. Թաթոյան
1 րոպեի ընթերցում
![Արցախի Մարդու իրավունքների պաշտպանի հաստատությունն ունի կայացման բարձր նշաձող. Թաթոյան](http://armenpress.am/resized/480/static/news/b/2020/05/1014909.jpg)
ԵՐԵՎԱՆ, 11 ՄԱՅԻՍԻ, ԱՐՄԵՆՊՐԵՍ: Հայաստանի Հանրապետության Մարդու իրավունքների պաշտպան Արման Թաթոյանն ու Արցախի Մարդու իրավունքների պաշտպան Արտակ Բեգլարյանն ամենօրյա, շատ բարձր մակարդակի համագործակցություն ունեն:
«Արմենպրես»-ի փոխանցմամբ՝ այս մասին Ազգային ժողովում մայիսի 11-ին ասաց Արման Թաթոյանը:
«Արցախի ՄԻՊ-ի հետ մենք ունենք շատ բարձր որակի համագործակցություն: Ամեն օր ցանկացած հարցով կապի մեջ ենք: Արցախի Մարդու իրավունքների պաշտպանի հաստատությունն այսօր ունի կայացման բարձր նշաձող: Սա պետք է առավել զարգացնել»,- ասաց Թաթոյանը:
Մայիսի 11-ի խորհրդարանի նիստում Արման Թաթոյանը ներկայացնում է «2019 թ. ընթացքում ՀՀ մարդու իրավունքների պաշտպանի գործունեության, մարդու իրավունքների և ազատությունների պաշտպանության վիճակի մասին» տարեկան հաղորդումը և «ՀՀ մարդու իրավունքների պաշտպանի` որպես կանխարգելման ազգային մեխանիզմի 2019 թ. գործունեության վերաբերյալ» տարեկան զեկույցը:
Նորայր Շողիկյան