388.37
Շվեդիայում 31 մլն դոլար կհատկացվի մշակույթի ոլորտին աջակցելու համար
1 րոպեի ընթերցում
ԵՐԵՎԱՆ, 8 ՄԱՅԻՍԻ, ԱՐՄԵՆՊՐԵՍ: Կորոնավիրուսի տարածումը շատ երկրներում հանգեցրեց մշակութային միջոցառումների հետաձգմանը: Շվեդիան բացառություն չէր: Այստեղ բազմաթիվ թանգարաններ, մնալով առանց այցելուների, հասել են սնանկացման եզրին:
«Արմենպրես»-ի հաղորդմամբ, «Ռեգնում»-ը տեղեկացնում է, որ այդ կապակցությամբ կառավարությունը խորհրդարանական ուժերի աջակցությամբ համաձայնեցրել է նախագիծ, ըստ որի, 31.9 միլիոն դոլար կհատկացվի մշակույթի ոլորտին աջակցելու համար:
Այդ որոշման մասին տեղեկացրել է Շվեդիայի մշակույթի և ժողովրդավարության հարցերով նախարար Ամանդա Լինդը: Նա խոստացել է այս դժվարին պահին շարունակել ֆինանսական աջակցությունը պետական մշակութային օջախներին:
Շվեդիայի կառավարությունը, համագործակցելով խորհրդարանական ուժերի հետ, հավանության է արժանացրել մի նախագիծ, որը նախատեսում է 50 մլն դոլարի չափով աջակցություն շվեդական լրատվամիջոցներին:
Բաժանորդագրվեք մեր ալիքին Telegram-ում
