ՖԻԴԵ-ն հայ շախմատիստներին կոչումներ է շնորհել

ԵՐԵՎԱՆ, 29 ԱՊՐԻԼԻ, ԱՐՄԵՆՊՐԵՍ: Հայաստանը ներկայացնող երկու շախմատիստներ ստացել են ՖԻԴԵ-ի կոչումներ:

«Արմենպրես»-ի հաղորդմամբ` Շախմատի միջազգային ֆեդերացիան երիտասարդ շախմատիստ Կոնստանտին Յայլոյանին շնորհել է ՖԻԴԵ-ի վարպետի կոչում, իսկպատանի շախմատիստ, Եվրոպայի մինչև 12 տարեկանների փոխչեմպիոն Ռոբերտ Փիլիպոսյանին՝ ՖԻԴԵ-ի վարպետի թեկնածուի կոչում:

Հայաստանն աշխարհում մեկ շնչի հաշվով ամենաշատ գրոսմայստերներ ունեցող երկրներից է: Անկախացումից հետո Հայաստանի շախմատի տղամարդկանց հավաքականը հաղթել է Եվրոպայի թիմային առաջնությունում (1999), աշխարհի առաջնությունում (2011) և շախմատային օլիմպիադայում (2006, 2008, 2012)։ Կանանց հավաքականը հաղթել է 2003 թվականի Եվրոպայի առաջնությունում։ 2015 թվականի սեպտեմբերի դրությամբ Հայաստանը լավագույն 10 շախմատիստների միջին էլո վարկանիշով աշխարհում յոթերորդն է:

Պատրաստեց Վարվառա Հայրապետյանը