Իսպանիայում վերջին 6 շաբաթվա մեջ առաջին անգամ երեխաներին թույլատրվում է դրսում խաղալ
1 րոպեի ընթերցում
![Իսպանիայում վերջին 6 շաբաթվա մեջ առաջին անգամ երեխաներին թույլատրվում է դրսում խաղալ](http://armenpress.am/resized/480/static/news/b/2020/04/1013496.jpg)
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Իսպանիայում երեխաներն վերջին 6 շաբաթվա մեջ առաջին անգամ կարող են դրսում խաղալ: «Արմենպրես»-ի հաղորդմամբ, «Euronews»-ը տեղեկացնում է, որ կարանտինի պայմաններում երեխաներին արգելվում էր դուրս գալ փողոց: Այժմ`ապրիլի 26-ից 14 տարեկանից ցածր երեխաներին թույլատրվում է օրվա մեջ մեկ անգամ դուրս գալ, բայց մեկ ժամով, ծնողներից մեկի ուղեկցությամբ:
Իշխանությունները գնում են սահմանափակումների մեղմացման, քանի որ կորոնավիրուսի հետևանքով մահացության ամենօրյա ցուցանիշը երկրում նկատելիորեն նվազել է: Ապրիլի 26-ին երկրում գրանցվել է կորոնավիրուսի մահացության 288 դեպք: Առողջապահության նախարարությունը նշում է, որ սա վերջին մեկ ամսվա ամենացածր ցուցանիշն է:
Երկրումմարտի կեսերից գործում է տանը մնալու խիստ կարգ: Բնակչությանը տանը պահելով՝ փորձ է արվել դանդաղեցնել վարակի տարածումը երկրում:
Իսպանիայում 23 հազարից ավելի մարդ վարակի հետևանքով մահացել է, այս ցուցանիշով այն երրորդն է աշխարհում՝ ԱՄՆ-ից ու Իտալիայից հետո: Երկրում վարակի հաստատված դեպքերի ընդհանուր թիվը 226 հազար 629 է: