Խորհրդարանում քննարկվեց հողերի օտարումից առաջացած մուտքերը համայնքային բյուջեներ ուղղելու նախագիծը
1 րոպեի ընթերցում
ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ։ ՀՀ ազգային ժողովը երկրորդ ընթերցմամբ և ամբողջությամբ ընդունելու համար քննարկեց Հայաստանի Հանրապետության հողային օրենսգրքում փոփոխություններ կատարելու մասին օրենքի նախագիծը։
«Արմենպրես»-ի փոխանցմամբ` կառավարության հեղինակած օրինագիծն Ազգային ժողովի ապրիլի 17-ի նիստում ներկայացրեց ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը։
«Օրենքի նախագծով նախատեսվում է հողերի օտարումից առաջացող մուտքերն այսուհետև ուղիղ և լիարժեք ուղղել համայնքային բյուջեներ»,- ասաց Տերտերյանը։
Հայաստանի Հանրապետության հողային օրենսգրքում փոփոխություններ կատարելու մասին օրենքի նախագիծն ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի նիստում ստացել է միաձայն դրական եզրակացություն։
Նորայր Շողիկյան