1 րոպեի ընթերցում
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Ծանրամարտի միջազգային ֆեդերացիայի նախագահ Տամաշ Այանը հեռացել է զբաղեցրած պաշտոնից:
«Արմենպրես»-ի հաղորդմամբ` այս մասին գրում է ֆեդերացիայի մամուլի ծառայությունը: Նախօրեին կայացել է Ծանրամարտի միջազգային ֆեդերացիայի առցանց հանդիպումը, որի ընթացքում ֆեդերացիայի գործկոմն ընդունել է Տամաշ Այանի հրաժարականը:
Ծանրամարտի միջազգային ֆեդերացիան շնորհակալություն է հայտնել 81-ամյա Այանին կատարած աշխատանքի համար:
Տամաշ Այանը ծանրամարտի միջազգային ֆեդերացիայի նախագահի պաշտոնին էր 2000 թվականից:
Պատրաստեց Վարվառա Հայրապետյանը