Մոլդովայի մեծ թվով քաղաքացիներ վերադառնում են իրենց երկիր. Deutsche Welle

ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Մոլդովան ընդունում է արտերկրում աշխատող և վերադառնալու որոշում կայացրած իր մեծ թվով քաղաքացիների:

«Արմենպրես»-ի հաղորդմամբ, այս մասին տեղեկացնում է «Deutsche Welle»-ն: Ոստիկանության տվյալների համաձայն, մարտի 9-ից, երբ երկրում գրանցվեց կորոնավիրուսի վարակի առաջին դեպքը, մինչև մարտի վերջը երկիր են վերադարձել 101 հազարից ավելի Մոլդովայի քաղաքացիներ:

Ներկայում օրական վերադառնում է 2 հազար քաղաքացի: Մարդկանց օգնում են վերադառնալ Մոլդովայի դիվանագիտական ներկայացուցչություները, որոնք կազմակերպում են չարտերային չվերթներ հայրենակիցների համար:

Նոր կորոնավիրուսի առաջացրած հիվանդության բռնկումը 2019-ի վերջում գրանցվել է Կենտրոնական Չինաստանում, այնուհետև տարածվել 200-ից ավելի երկրում և մարտի 11-ին Առողջապահության համաշխարհային կազմակերպության կողմից ճանաչվել համավարակ (պանդեմիա)։