Իրանում կորոնավիրուսի վարակվածության ու մահացության նոր դեպքերի նվազում է նկատվում

ԵՐԵՎԱՆ, 7 ԱՊՐԻԼԻ, ԱՐՄԵՆՊՐԵՍ: Իրանում կորոնավիրուսի ապրիլի 7-ի վիճակագրական տվյալների համաձայն, վարակակիրների թիվն ավելացել է 2 հազար 89-ով՝ դառնալով 62 հազար 589:

«Արմենպրես»-ի հաղորդմամբ, այս մասին տեղեկացնում է Իրանում Հայաստանի դեսպանությունը:

Նախորդ օրերի համեմատ Իրանում վարակի արձանագրված նոր դեպքերի վիճակագրությունում նվազման միտում է նկատվում: Նախորդ օրերին վարակվածների թիվն ավելանում էր 2 հազար 274-ով, 2 հազար 483-ով, 2 հազար 560-ով:

Ապրիլի 7-ի տվյալների համաձայն, Իրանում մահացածների թիվն ավելացել է 133-ով, ընդհանուրը կազմելով 3 հազար 872: Մահացության ցուցանիշի ավելացման պարագայում ևս տեսնում ենք նվազում: Նախորդող օրերին մեկ օրում գրանցվում էինմահվան 136, 151, 158 նոր դեպքեր:

Վերջին տվյալների համաձայն, Իրանում ապաքինվածների թիվն ավելացել է 2 հազար 803-ով՝ ընդհանուրը կազմելով 27 հազար 39: Վիճակագրությունը վկայում է, որ ամեն օր նկատվում է ապաքինվածների թվի ավելացում: