Փաշինյանը շրջայց է կատարում Երևանի սուպերմարկետներում ու մթերային խանութներում

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը շրջայց է կատարում Երևանի սուպերմարկետներում ու մթերային խանութներում: «Արմենպրես»-ի փոխանցմամբ՝ Փաշինյանը «Ֆեսյբուք»-ի իր էջի ուղիղ եթերում հեռարձակվող շրջայցի ընթացքում ծանոթանում է խանութներում ապրանքների առկայության հետ կապված իրավիճակին:

Քաղաքացիների Փաշինյանի հետ զրույցում հայտնում են, որ խանութներում ապրանքների առկայության հետ կապված խնդիրներ չկան, իսկ իրենք զբաղվում են իրենց ամենօրյա գնումներով:

Վարչապետ Նիկոլ Փաշինյանն ավելի վաղ հայտնել էր, որ պարենի խնդիր Հայաստանում չկա, իսկ քաղաքացիներին կոչ էր արել «ճգնաժամային» գնումներ չանել:

ՀՀ կառավարությունը Հայաստանում արտակարգ դրություն հայտարարելու որոշում ընդունեց: Որոշումը կայացվեց գործադիրի մարտի16-ի նիստում՝ հաշվի առնելով աշխարհում և Հայաստանում նոր տիպի կորոնավիրուսի տարածման և այն Առողջապահության համաշխարհային կազմակերպության կողմից պանդեմիա որակվելու հանգամանքը:

«Հայաստանի Հանրապետության ամբողջ տարածքում2020թվականիմարտի 16-ից, ժամը 18:30-ից սկսած մինչև 2020 թվականի ապրիլի 14-ը, ժամը 17:00-նհայտարարել արտակարգ դրություն»,-նշված է ՀՀ կառավարության որոշման նախագծում:

Հայաստանում կորոնավիրուսի հաստատված դեպքերի թիվը հասել է 72-ի: Հայաստանում կորոնավիրուսի հաստատված առաջին դեպքը գրանցվել էր մարտի 1-ին: Քաղաքացին Հայաստան էր եկել Իրանից: Նա ապաքինվել է և դուրս է գրվել: