Իրանի արտակարգ պատահարների կազմակերպության ղեկավարի մոտ կորոնավիրուս Է հայտնաբերվել
1 րոպեի ընթերցում
![Իրանի արտակարգ պատահարների կազմակերպության ղեկավարի մոտ կորոնավիրուս Է հայտնաբերվել](http://armenpress.am/resized/480/static/news/b/2020/03/1007828.jpg)
ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: Իրանի արտակարգ պատահարների կազմակերպության ղեկավար Իսմայիլ Նաջարի մոտ կորոնավիրուսի առկայության թեստը դրական արդյունք Է տվել: Այդ մասին հայտնել Է կազմակերպության պաշտոնական ներկայացուցիչ Ալի Բահթիյարին, տեղեկացնում Է «Արմենպրես»-ը:
«Նաջարն անցած շաբաթ բժշկական կենտրոններից մեկին Է դիմել գրիպ հիշեցնող ախտանշաններով: Մի քանի անալիզների հանձնումից հետո պարզվել Է, որ նրա հիվանդությունը պայմանավորված Է կորոնավիրուսով»,-Բահթիյարի խոսքը մեջբերել Է ISNA գործակալությունը:
Նա հավելել Է, որ «այդ կապակցությամբ Նաջարը հոսպիտալացվել Էր, սակայն այսօր ինքնազգացողության լավացումից հետո պարզ Է դարձել, որ նրա կյանքին վտանգ չի սպառնում»: «Բժիշկների հանձնարարականներին համապատասխան, նա դուրս Է գրվել հիվանդանոցից եւ պետք Է մի քանի օր անցկացնի տնային կարանտինում»,-նշել Է կազմակերպության ներկայացուցիչը:
Պաշտոնական տվյալների համաձայն, ներկայում Իրանում կորոնավիրուսով վարակված Է 6566 մարդ, գրանցվել Է մահվան առնվազն 194 դեպք, հաղորդել Է ՏԱՍՍ-ը: