Իրանում կորոնավիրուսով վարակվածների թիվը հասել է 5 հազար 823-ի
1 րոպեի ընթերցում
![Իրանում կորոնավիրուսով վարակվածների թիվը հասել է 5 հազար 823-ի](http://armenpress.am/resized/480/static/news/b/2020/03/1007728.jpg)
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: Իրանում կորոնավիրուսով վարակվածների թիվը հասել է 5 հազար 823-ի, մահացու ելքով դեպքերը կազմել են 145: «Արմենպրես»-ի հաղորդմամբ՝ այս մասին տեղեկացնում է ՏԱՍՍ գործակալությունը: Մեկ օրվա ընթացքում վարակվածների թիվն ավելացել է 1576-ով:
Ավելի վաղ IRNA գործակալությունը տեղեկացրել էր, որ կորոնավիրուսով պայմանավորված մահացել է մեջլիսի պատգամավորներից մեկը:
Կորոնավիրուսով վարակվածության առաջին դեպքի մասին Իրանի առողջապահության նախարարությունը հայտնել է փետրվարի 19-ին:
ՀՀ կառավարությունը որոշում է կայացրել Իրանի Իսլամական Հանրապետության հետ հաղորդակցության ժամանակավորապես սահմանափակումը երկարաձգել մինչև մարտի 24-ը։