367.25
Հայաստանը կստանա նոր տիպի կորոնավիրուսի ախտորոշման ևս 2000 թեսթ
1 րոպեի ընթերցում
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Հայաստանը նոր տիպի կորոնավիրուսիախտորոշման համար ունի մոտ 1000 լաբորատորթեստ, մարտի 6-ին կստանա ևս 2000 թեսթ: Ինչպես տեղեկացնում է «Արմենպրես»-ը, «Ազատություն» ռադիոկայանի տաղավարում Կառլեն Ասլանյանի հետ հարցազրույցի ժամանակայս մասին ասաց Առողջապահության նախարար Արսեն Թորոսյանը:
«Բացի այդ, բանակցություններ ենք վարում Միացյալ Թագավորության և Ռուսաստանի Դաշնության հետ: Կա նաև առաջարկ Չինաստանից, Ճապոնիայից և ԱՄՆ-ից: Դեռ մտածում ենք՝ նոր թերթեր ձեռք բերել, թե ոչ, որովհետև մինչ օրս եղած թեսթերը ստացել ենք մեր գործընկերների կողմից որպես աջակցություն: Հնարավոր է՝ կարիքը չլինի, որովհետև, իմ կանխատեսումներով, գնում ենք բռնկումների անկման, բացառությամբ՝ մեկ-երկու երկրի: Այդ կանխատեսումները կիսում են նաև շատ մասնագետներ»,- ասաց Թորոսյանը:
Ըստ նախարարի` Հայաստանի սահմանային անցակետերում շարժի հսկողությունը տալիս է իր արդյունքները և, միգուցե, կարիք չլինի հավելյալ թեսթեր ձեռք բերելու:
Հայաստանում կորոնավիրուսի կասկածով պայմանավորված 32 մարդ մեկուսացվել է: Մեկուսացված անձինք պահվում են Ծաղկաձորի «Գոլդեն Փելես» հյուրանոցում:
Բաժանորդագրվեք մեր ալիքին Telegram-ում