«Զվարթնոց»-ից բերման է ենթարկվել զինծառայությունից խուսափելու համար հետախուզվողը
1 րոպեի ընթերցում
![«Զվարթնոց»-ից բերման է ենթարկվել զինծառայությունից խուսափելու համար հետախուզվողը](http://armenpress.am/resized/480/static/news/b/2020/02/1005997.jpg)
ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: Ոստիկանության «Զվարթնոց» օդանավակայանի գծային բաժնի քրեական հետախուզության բաժնի ծառայողների ձեռնարկած օպերատիվ-հետախուզական միջոցառումների շնորհիվ փետրվարի 22-ին ժամը 23:00-ին, Նովգորոդ-Երևան չվերթի ինքնաթիռի ժամանումից հետո, գծային բաժին բերման է ենթարկվել 24-ամյա Սարգիս Կ.-ն:
Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապի և լրատվության վարչությունից, 24-ամյա երիտասարդը 2015 թ. հունվարի 12-ից Բազումի բաժնի կողմից հետախուզվում էր ՀՀ քրեական օրենսգրքի 363-րդ հոդվածի («Անդամախեղելու, հիվանդության սիմուլյացիայի կամ ապօրինի եղանակով զինվորական ծառայությունից խուսափելը») 1-ին մասի մեղադրանքով: Խափանման միջոցը՝ կալանք: