Գավառի ոստիկանները հայտնաբերել են ՌԴ իրավապահների կողմից հետախուզվողի
1 րոպեի ընթերցում
![Գավառի ոստիկանները հայտնաբերել են ՌԴ իրավապահների կողմից հետախուզվողի](http://armenpress.am/resized/480/static/news/b/2020/02/1005760.jpg)
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Ոստիկանության Գավառի բաժնի ծառայողների ձեռնարկած օպերատիվ-հետախուզական միջոցառումների և բացատրական աշխատանքի արդյունքում փետրվարի 20-ին ժամը 14:30-ին բաժին է ներկայացել 33-ամյա Անտոն Դ.-ն:
Ինչպես «Արմենպրես»-ին տեղեկացրին ոստիկանության լրատվական ծառայությունից, 33-ամյա տղամարդը 2019 թ. մայիսի 23-ից հետախուզվում էր ՌԴ ՆԳՆ Տյումենի մարզի քրեական պատիժների իրականացման վարչության կողմից՝ ՌԴ քրեական օրենսգրքի 264.1-րդ հոդվածի (ավտովթար) մեղադրանքով: Նրա հայտնաբերման մասին տեղյակ է պահվել հետախուզումը նախաձեռնողին: