3 րոպեի ընթերցում
ԵՐԵՎԱՆ,18ՓԵՏՐՎԱՐԻ, ԱՐՄԵՆՊՐԵՍ: ՀՀ հաշվեքննիչ պալատը պետական պարտքի կառավարման համար2017և2018թթ. ընդգրկող ժամանակաշրջանի նկատմամբ իրականացված հաշվեքննության արդյունքում արձանագրել է37փաստ, որոնք պարտքի կառավարման գործում ռիսկային են:
«Արմենպրես»-ի հաղորդմամբ` Պետական պարտքի կառավարման հաշվեքննության արդյունքները ԱԺ ֆինանսավարկային և բյուջետային հարցերի մշտական հանձնաժողովի նիստում ներկայացրեց պալատի մեթոդաբանության, վերլուծության և միջազգային կապերի վարչության պետ Կարեն Առուստամյանը:
Նա նախ նշեց` հաշվեքննության հիմնական նպատակն է եղել հայտնաբերել պետական պարտքի կառավարման համակարգում արդյունավետությունը բարձրացնելու բարելավման ուղիները: Հաշվեքննությունն իրականացվել է2017և2018թթ.ընդգրկող ժամանակաշրջանի նկատմամբ:
«Ընդհանուր առմամբ, արձանագրել ենք37փաստ, որոնք վկայում են, որ պետական պարտքի կառավարման գործում կան ռիսկեր: Այդ37ռիսկերի հիման վրա մենք ներկայացրել ենք թվով44առաջարկություն, որոնք, ըստ հաշվեքննողների, շահեկանորեն կարող են բարելավել պետական պարտքի կառավարման համակարգը: Հաշվեքննությունն արդեն ունի հետևանք: Օրեր առաջ ֆինանսների նախարարի հատուկ հրամանով սահմանվել է միջոցառումների ծրագիր, միջոցառումներ, որոնք ուղղված են հաշվեքննողների ներկայացրած առաջարկությունների կյանքի կոչմանը, արձանագրված փաստերի վերացմանը կամ ուղղիչ, կանխարգելիչ գործողություններին»,-ասաց Առուստամյանը:
Կառավարությունը վերջերս հաստատել է պետական ֆինանսների կառավարման ռազմավարություն, ևֆինանսների նախարարությունը հավաստիացրել է, որ այդ ռազմավարության իրագործման շրջանակում մնացած հատվածին ևս անդրադարձ լինելու է:
Հաշվեքննիչ պալատը, օրինակ, արձանագրել է, որ պետական պարտքի սահմանումը բավարար համապարփակ չէ, չի ներառում ոչ բացահայտ պայմանական պարտավորությունները: «Այն կազմակերպությունները, որոնք պետական բաժնեմասով են և ունեն պարտք, ապա այդ հատվածը չի ներառվում մեր պետական պարտքի շրջանակի մեջ: Ստացվում է, որ լիազոր մարմինը պետական պարտքի կառավարման առումով չի իրականացնում որևէ գործառույթ այդ հատվածի հետ»,-ասաց Առուստամյանն ու նշեց` առաջարկել են վերանայել այդ մոտեցումը և պետական պարտքի շրջանակն ավելի համապարփակ դարձնել:
Նա նկատեց` պետական պարտքը չի ընդգրկում համայնքների, ՏԻՄ-երի հնարավոր պարտքային հատվածը, սակայն միջազգայնորեն ընդունված է, որ պետք է մոտեցումը վերանայել և խոսել ոչ թե պետական պարտքի, այլ հանրային հատվածի պարտքի մասին: