Ռոհանին ներողություն Է խնդրել, որ Իրանն անմիջապես չի խոստովանել ուկրաինական ինքնաթիռի խոցումը
1 րոպեի ընթերցում
ԵՐԵՎԱՆ, 15 ՀՈւՆՎԱՐԻ, ԱՐՄԵՆՊՐԵՍ: Իրանի նախագահ Հասան Ռոհանին ներողամտություն Է հայցել այն հայտարարությունն ուշացնելու համար, որ հանրապետության զինված ուժերը սխալմամբ ուկրաինական ինքնաթիռ են խոցել: Նրա ելույթը հունվարի 15-ին հեռարձակել Է Իրանի պետական հեռուստատեսությունը, տեղեկացնում Է «Արմենպրես»-ը:
«Ես կցանկանայի ներողություն խնդրել ուշացման համար»,-ասել Է նախագահը:
Նա նաեւ Իրանի զինված ուժերից պահանջել Է ավելի շատ տեղեկատվություն տրամադրել ուկրաինական ինքնաթիռի կործանման վերաբերյալ:
«Ես ցանկանում եմ, որ երկրի Գլխավոր շտաբը եւ զինվորականները գան եւ ժողովրդին ներկայացնեն հետաքննության բոլոր մանրամասնությունները»,-ասել Է նախագահը, հաղորդել Է ՏԱՍՍ-ը: