Մեկ օրում Սիրիա է վերադարձել ավելի քան 2 հազար փախստական
1 րոպեի ընթերցում
![Մեկ օրում Սիրիա է վերադարձել ավելի քան 2 հազար փախստական](http://armenpress.am/resized/480/static/news/b/2019/12/1000440.jpg)
ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Անցած օրվա ընթացքում արտասահմանյան պետություններից Սիրիա է վերադարձել ավելի քան երկու հազար փախստական։ «Արմենպրես»-ի փոխանցմամբ՝ ինչպես տեղեկացնում է «ՌԻԱ Նովոստի»-ն, այս մասին ասված Է Հակամարտող կողմերի հաշտեցման եւ փախստականների տեղաշարժի նկատմամբ հսկողության ռուսական կենտրոնի տեղեկագրում:
«Անցյալ օրվա ընթացքում արտասահմանյան պետությունների տարածքից Սիրիայի Արաբական Հանրապետություն Է վերադարձել2 հազար 128 փախստական, այդ թվում՝ Լիբանանից՝ «Ջեյդեթ-Յաբուս», «Թել-Քալահ» անցակետերով՝ 1372 մարդ (412 կին, 700 երեխա), Հորդանանից՝ «Նասիբ» անցակետով՝ 756 մարդ (227 կին, 386 երեխա)»,-ասված է հայտարարությունում:
Մեկ օրվա ընթացքում երկրի ներսում մշտական բնակության վայրեր են տեղափոխվել երեք փախստական: