387.58
Բադասյանը մտահոգված է. Վենետիկի հանձնաժողով և ՄԻԵԴ ուղարկված նամակն ի՞նչ իրավական ակտով է ընդունվել
1 րոպեի ընթերցում
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ արդարադատության նախարար Ռուստամ Բադասյանը կիսում է ՀՀ ԱԺ պետաիրավական հանձնաժողովի նախագահ Վլադիմիր Վարդանյանի մտահոգություններն այն մասին, որ ՀՀ Սահմանադրական դատարանից Վենետիկի հանձնաժողով և ՄԻԵԴ ուղարկված նամակների հայերեն տարբերակների վրա չի եղել ոչ ստորագրություն և ոչ էլ ամսաթիվ:
«Արմենպրես»-ի հաղորդմամբ՝ այս մասին Բադասյանն ասաց լրագրողների հետ զրույցում:
«Պարզ չէ, թե ինչ գործընթաց է տեղի ունեցել ՍԴ-ում: Ես պարոն Վարդանյանի մտահոգությունները կիսում եմ, որովհետեւ ՍԴ-ն իրավասու է ընդունել որոշումներ և եզրակացություններ, սակայն պարզ չէ, թե այդ դիմումներն ինչ իրավական ակտով են ընդունվել: Պարզ չէ, թե ինչ գործընթաց է տեղի ունեցել ՍԴ-ում: Հարց է առաջանում, ՍԴ դատավորները տեղյա՞կ են այդ դիմումի բովանդակությանը, տեսե՞լ են, քվեարկե՞լ են, խոսե՞լ են այդ դիմումի բովանդակության մասին: Ինձ էլ է դա մտահոգում»,- շեշտեց նախարարը:
