Հայաստանում 6 ամսում աճել է ճանապարհատրանսպորտային պատահարների թիվը

ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Հայաստանում ճանապարհատրանսպորտային պատահարների թիվը 2019 թվականի հունիս-հուլիս ամիսներին 2018 թվականի նույն ժամանակահատվածի համեմատ աճել է 21.9 տոկոսով:

«Արմենպրես»-ի հաղորդմամբ՝ ՀՀ ազգային վիճակագրական ծառայության հրապարակած տվյալների համաձայն, 2019 թվականի 6 ամսվա ընթացքում տեղի է ունեցել 2086 ՃՏՊ:

Պատահարների ընթացքում 6 ամսում զոհվել է 158, վիրավորվել՝ 3016 մարդ:

2018 թվականի նույն ժամանակահատվածում ՃՏՊ-ների ցուցանիշը նույնպես աճել է՝ 14.1 տոկոսով: 2018 թվականի հունվար-հունիս ամիսներին գրանցվել է 1711 պատահար, ինչի հետևանքով զոհվել է 139, վիրավորվել 2516 մարդ: