Ժամանակը Երևանում՝ 11:07:36,   29 Սեպտեմբեր

Նոր չվերթ Սանկտ Պետերբուրգ-Երևան ուղղությամբ. Քաղավիացիայի կոմիտեն մրցակցության տեսանկյունից այն կարևոր է համարում

Նոր չվերթ Սանկտ Պետերբուրգ-Երևան ուղղությամբ. Քաղավիացիայի կոմիտեն 
մրցակցության տեսանկյունից այն կարևոր է համարում

ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Շուտով Սանկտ Պետերբուրգ-Երևան և հակառակ ուղղությամբ ավիափոխադրում կիրականացնի ևս մեկ ավիաընկերություն: Ռուսական «Կոմերսանտ»-ը տեղեկացնում է, որ «Smartavia» ընկերությունը (հին անվանումն է Nordavia) հուլիսի 11-ից Սանկտ Պետերբուրգի «Պուլկովո» օդանավակայանից կիրականացնի ուղիղ չվերթներ դեպի Երևան: Թռիչքները կիրականացվեն մինչև հոկտեմբերի 25-ը: Ընկերությունից տեղեկացնում են, որ թռիչքները դեպի Երևան կիրականացվեն շաբաթական երկու անգամ՝ հինգշաբթի և կիրակի օրերին:

Քաղավիացիայի կոմիտեից «Արմենպրես»-ին տեղեկացրեցին, որ ընկերությանը թույլտվությունը տրվել է մայիսի 6-ից: Կոմիտեն դրական է համարում նոր ավիափոխադրողների մուտքը հայկական շուկա, ինչը կարևոր է մրցակցության տեսանկյունից: Ներկայում Սանկտ Պետերբուրգից Երևան չվերթներ իրականացնում է «Ուրալ» ավիաընկերությունը, այժմ նոր ավիաընկերության մուտքով կլինի մրցակցություն, ինչը կարող է իր ազդեցությունն ունենալ՝ թե ծառայությունների, թե տոմսի արժեքի վրա: Կոմիտեից փոխանցեցին, որ դրանից բացի, եթե այդ ուղղությամբ մեկ ավիաընկերության առկայության դեպքում շաբաթական երկու օր էր հնարավոր թռչել, ապա այժմ, երկրորդի պարագայում, շաբաթական չորս օր կլինի թռիչքը: Արդյունքում՝ ուղևորներն ընտրության հնարավորություն կունենան օրերի, ժամերի առումով:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ