Վալերիյ Օսիպյանն արժանացել է «Երևան 2800» հոբելյանական հուշամեդալի
1 րոպեի ընթերցում
![Վալերիյ Օսիպյանն արժանացել է «Երևան 2800» հոբելյանական հուշամեդալի](http://armenpress.am/resized/480/static/news/b/2018/12/959496.jpg)
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Դեկտեմբերի 26-ին ՀՀ ոստիկանության պետ Վալերիյ Օսիպյանն ընդունեց «47 դիզայն» ընկերության հիմնադիր տնօրեն Արսեն Մելիքսեթյանին։
Ինչպես «Արմենպրես»-ին տեղեկացրին ՀՀ ոստիկանության լրատվության և հասարակայնության հետ կապերի վարչությունից, Արսեն Մելիքսեթյանը Վալերիյ Օսիպյանին հանձնեց «Երևան 2800» հոբելյանական հուշամեդալ։ Մեր 12-րդ մայրաքաղաքի հիմնադրման 2800-ամյակի առթիվ «47 դիզայն» ընկերությունը թողարկել է Արգիշտի 1-ին արքայի դիմապատկերով հուշամեդալ։ Այն հանձնվել է ՀՀ վարչապետին, պաշտպանության նախարարին և այլ բարձրաստիճան պաշտոնատար անձանց։ Հուշամեդալը անվանական է և խորհրդանշական համարով` այս դեպքում «0202»:
Ոստիկանության պետը շնորհակալություն հայտնեց պարգևի համար՝ մաղթելով նորանոր հաջողված նախաձեռնություններ։