Թուրքիայում զբոսաշրջային սեզոնի գագաթնակետին ձյուն  է տեղացել

ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Թուրքիայի Կարսի նահանգում զբոսաշրջային սեզոնի գագաթնակետին ձյուն է տեղացել: Ինչպես փոխանցում է «Արմենպրես»-ը, այդ մասին հաղորդում է Merkez TV-ն:

Ձյան պատճառով մի քանի ժամով փակվել են հայտնի հանգստավայրերից տանող ավտոճանապարհները: Օդերևութաբանների տեղեկություններով, օդի ջերմաստիճանը մի քանի ժամով իջել է +7-ի:

Անոմալ ձյան պատճառ է դարձել տարածաշրջանով անցած ամպրոպային ճակատը: