ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Միացյալ Թագավորության Եվրոպայի և Ամերիկաների հարցերով պետնախարար Ալան Դունկանը, ով Հայաստանում է, շնորհավորել է Արմեն Սարգսյանին Հայաստանի Հանրապետության նախագահի պաշտոնը ստանձնելու կապակցությամբ: Ինչպես հաղորդում է «Արմենպրես»-ը, այս մասին նա գրառում է կատարել թվիթերյան իր միկրոբլոգում:

«Շնորհավոր, սըր»,- գրել է նա՝ տեղադրելով Երևանում երդմնակալության արարողությունից հետո Արմեն Սարգսյանի հետ ձեռքսեղմման լուսանկարը:

Ավելի վաղ նա տեղադրել էր մարզահամերգային համալիրից ևս մեկ լուսանկար, որտեղ գրել էր. «Պատրաստվելով Հայաստանի նախագահ Սարգսյանի երդմնակալության արարողությանը»:

Limbering up for the imminent inauguration of President Sarkissian of Armenia @UKinArmenia pic.twitter.com/LnukyEiZvz

— Sir Alan Duncan MP (@AlanDuncanMP) 9 апреля 2018 г.

ՀՀ Ազգային ժողովի հատուկ նիստում երդմամբ Արմեն Սարգսյանը ապրիլի 9-ին ստանձնել է ՀՀ Նախագահի լիազորությունները: