ԵԽԽՎ նախագահը ԼՂ հակամարտության խաղաղ կարգավորման հույս ունի
1 րոպեի ընթերցում
![ԵԽԽՎ նախագահը ԼՂ հակամարտության խաղաղ կարգավորման հույս ունի](http://armenpress.am/resized/480/static/news/b/2018/01/920653.jpg)
ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: Եվրախորհրդի խորհրդարանական վեհաժողովի նախագահ Միկելե Նիկոլետին հուսով է, որ Լեռնային Ղարաբաղի հակամարտությունը շուտափույթ խաղաղ կարգավորում կունենա: Ինչպես հաղորդում է «Արմենպրես»-ը, այս մասին ԵԽԽՎ նախագահն ասել է ադրբեջանական Report-ի լրագրողի հետ զրույցում:
«Լեռնային Ղարաբաղի հակամարտության հարցում իմ դիրքորոշումը համընկնում է Եվրախորհրդի խորհրդարանական վեհաժողովի դիրքորոշման հետ»,- հայտնել է նա:
Նիկոլետին ընդգծել է, որ ԵԽԽՎ-ն հարգանքով է մոտենում ԼՂ հակամարտության խաղաղ կարգավորման ուղղությամբ գործունեություն ծավալող միջազգային կազմակերպության՝ ԵԱՀԿ Մինսկի խմբի, ինչպես նաև ՄԱԿ-ի դերակատարություններին: Նա նշել է, որ ԵԽԽՎ-ն պատրաստ է աջակցել ցանկացած գործունեության, որն ուղղված է ԼՂ խնդրի խաղաղ կարգավորմանը: