Ժամանակը Երևանում՝ 11:07:36,   17 Հունիս

Էրդողանի կուսակիցը մեջլիսում ցանկացել է հարձակվել Գարո Փայլանի վրա


ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ: Թուրքիայի Ազգային մեծ ժողովում հայ պատգամավոր Գարո Փայլանի մասնակցությամբ միջադեպ է գրանցվել: Ինչպես հաղորդում է «Արմենպրես»-ը՝ վկայակոչելով թուրքական Demokrathaber.net-ը, հայ պատգամավորը իշխող «Արդարություն և զարգացում» կուսակցության պատգամավորի կողմից հարձակման է ենթարկվել:

Վեճը սկսվել է նրանից, որ Փայլանը կոչ է արել ֆինանսների նախարար Նաջի Աղբալային ուսումնասիրել Մեն կղզում բացահայտված օֆշորային սկանդալում Թուրքիայի ղեկավար կազմի ներգրավվածության հարցը:

Իշխող կուսակցության խորհրդարանական խմբակցության ղեկավարի տեղակալ Իլքնուր Ինջեսյոզը դիմել է Փայլանին՝ ասելով. «Դու վերջին մարդն ես, ով կարող է մեզ բարոյականության դասեր տալ: Չնայած ոչ, դա էլ չես կարող լինել: Սա հատկապես ուզում եմ շեշտել, որ այս խորհրդարանում դու անգամ վերջին մարդը չես»:

Ի պատասխան Էրդողանի կուսակցի նման հայտարարության՝ Փայլանը ասել է նրան. «Անբարոյականություն մի արա»:

Հայ պատգամավորի խոսքերից հետո Ինջեսյոզը քայլել է դեպի նա՝ ցանկանալով հարձակվել, սակայն մյուս պատգամավորները միջամտել են և բախում չի եղել:

 

 




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ