Պուչդեմոնը հնարավոր Է համարել կատալոնական ճգնաժամի լուծումն առանց Իսպանիայից անջատվելու
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Կատալոնիայի նախկին ղեկավար Կառլես Պուչդեմոնը հնարավոր Է համարել, որ որոշակի հանգամանքներում կարելի Է հրաժարվել Մադրիդի կենտրոնական իշխանություններից տարածաշրջանի անկախացումից: Այս մասին նա հայտարարել Է նոյեմբերի 13-ի երեկոյան գերմանական Die Welt թերթում հրապարակված հարցազրույցում, տեղեկացնում Է «Արմենպրես»-ը:
«Ես պատրաստ Էի եւ մնում եմ պատրաստ այն բանին, որ ճանաչեմ Իսպանիայի հետ նաեւ այլ տեսակի հարաբերությունները»,- ասել Է նա՝ պատասխանելով այն հարցին, թե կա արդյոք անկախության պահանջների այլընտրանք:
Նրա խոսքով՝ իրադարձությունների այլընտրական զարգացումը «միանգամայն հնարավոր Է»: «Ես միշտ հանդես եմ գալիս միասնության օգտին: Սակայն ամբողջ (տեղի ունեցողի) պատճառը ինքնավարության 2010 թվականի կարգավիճակի լուծարումն Է, կարգավիճակ, որը համաձայնեցված Էր Իսպանիայի եւ Կատալոնիայի խորհրդարանների կողմից»,- հայտարարել Է նա, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում