Հայաստանի մանկատներում 633 երեխա են ապրում
ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ: Հայաստանի խնամքի հաստատություններում 2016 թվականի դրությամբ գրանցված են 3500 երեխա, որոնցից 633-ն ապրում են մանկատներում: «Արմենպրես»-ի հաղորդմամբ` երեխաներից 450-ը հաշմանդամություն ունեն: 541-ն ապրում են գիշերային խնամքի կենտրոններում, իսկ 2047-ը սովորում են հատուկ դպրոցներում:
ՀՀ կրթության եւ գիտության փոխնախարար Մանուկ Մկրտչյանը կարեւորում է Հայաստանում իրականացվող ներառական կրթության ծրագիրն ու նշում, որ մեր երկիրն այդ առումով բավական մեծ փորձ ունի: «Մեր համար առաջին խնդիրը մնում է այն, որ կրթական հաստատություններում հաշմանդամություն ունեցող երեխաներին ոչ թե խղճան, այլ համարեն իրենց շրջապատի կարեւոր մասնիկը»,-ասաց նա:
ԿԳՆ փոխնախարարը վստահեցրեց, որ ոչ մի միջոց լիարժեք չի կարող գործել, եթե երեխան դուրս է գործունեության դաշտից:
ՀՀ աշխատանքի եւ սոցիալական հարցերի նախարարության ենթակայության տակ գտնվող 12 հաստատություններում ապրող 699 տղաների եւ 602 աղջիկների 90 տոկոսը մեկ կենսաբանական ծնող ունի: Վայոց Ձորի մարզում եւ Արարատի մարզում չկան խնամքի հաստատություններ:
Բաժանորդագրվեք մեր ալիքին Telegram-ում