Ժամանակը Երևանում՝ 11:07:36,   5 Հուլիս

ՁԻԱՀ-ի կանխարգելման հանրապետական կենտրոնը ՄԻԱՎ-ի անվճար հետազոտություն անելու հնարավորություն կտա

ՁԻԱՀ-ի կանխարգելման հանրապետական կենտրոնը ՄԻԱՎ-ի անվճար հետազոտություն 
անելու հնարավորություն կտա

ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: ՀՀ ԱՆ ՁԻԱՀ-ի կանխարգելման հանրապետական կենտրոնը «Դրա­կա­ն մարդ­­կանց հայկական ցանց» սոցիալական հասա­րա­կա­կան կազմակերպության հետ Երևանում՝ Հյուսիսային պողոտայում, իրականացնելու է «Միավորվենք վերջ դնելու ՄԻԱՎ համաճարակին» խորագրով հանրա­յին մի­ջո­ցառում, որի շրջանակում ան­ցոր­դ­նե­րին տրվելու է ՄԻԱՎ-ի վերաբերյալ անվճար, անանուն հետազոտություն անցնելու հնարավորություն և ընդամենը 15-20 րոպեի ընթացքում իմանալու սեփական կարգավիճակի մասին: Այս մասին «Արմենպրես»-ին տեղեկացրին ՀՀ առողջապահության նախարարությունից:

Միջոցառումը նպատակ ունի խրախուսելու ՄԻԱՎ-ի վերաբերյալ հետազոտ­վե­լու ցանկությունը մեր հասարակությունում և փոխելու հետազոտման հետ կապված կարծ­րա­տիպերը, ամրապնդելու այն դիրքո­րոշումը, որ ՄԻԱՎ-ի վերաբերյալ հետազո­տութ­­յուն անցնելը կարևոր է սեփական առող­ջությունը պահպանելու և վարակի փոխան­ցումը կանխելու տեսանկյունից:

Հետազոտությունն ու խորհրդատ­­­վությունն իրականացնելու են ՁԻԱՀ-ի կանխարգելման հանրապետական կենտրոնի մասնագետները Ռուսաստանի Դաշնության կողմից Հայաստանին նվիրաբերված շարժական բուժախտորոշիչ կլինիկայում:

Իմացե՛ք ՄԻԱՎ-ի նկատմամբ Ձեր կարգավիճակը և պահպանե՛ք առողջությունը:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ